ما هو المكتب الفني

ما هو المكتب الفني

المكتب الفني هو أحد أهم الأقسام بشركات المقاولات و المكاتب الإستشارية، و لا يقل أهمية عن التصميم و التنفيذ

في البوست ده هنحاول نوضحلكوا كل المعلومات اللي ممكن تحتاجوها عن المكتب الفني

في البداية لازم نعرف أي شركة مقاولات أو مكتب إستشاري لازم يكون عندهم قسم اسمه قسم المكتب الفني

طيب إيه هي المهام اللي بيقوم بيها مهندسين المكتب الفني؟
================================
• إعداد المقايسات و المستندات اللازمة لطرح مناقصات المشاريع.
• دراسة المشروعات و تسعيرها بالتعاون مع قسم إدارة المشروعات.
• تجهيز مستندات العطاء و المظروف الفني و المالي.
• عمل حصر الكميات الهندسي و الفعلي.
• التعاون مع قسم إدارة المشروعات في إعداد البرنامج الزمني للمشروع.
• توثيق تسليم و إستلام حميع ورقيات و مخاطبات و مستندات المشروع و حفظ جميع ملفات المشروع من مستندات و لوحات و مخاطبات و تقارير و مستخلصات.. إلخ.
• مطابقة اللوحات و عمل الـ Coordination .
• عمل التعديلات اللازمة على اللوحات قبل التنفيذ.
• إعداد لوحات الـ Shop Drawings لجميع البنود و لوحات الـ As built للمشروع.
• عمل تعديلات الأسعار و فروق الأسعار و تقديم المطالبات.
• عمل تحديث للبرنامج الزمني للمشروع.
• إعداد مستخلصات المالك و مستخلصات مقاولي الباطن.
• تمثيل الشركة في الإجتماعات الدورية.
• إعداد جميع ورقيات الدورة المستندية للمشروع و تقديم المخاطبات.

إيه الفرق بين شغل المكتب الفني و شغل إدارة المشروعات؟
================================

قسم المكتب الفني الطبيعي إن يكون ليه اختصاصات و مهام تختلف عن مهام قسم إدارة المشروعات..
قسم المكتب الفني مسئول عن الحصر و المستخلصات و الشوب درووينج و المخاطبات.. إلخ
و قسم إدارة المشروعات مسئول عن شغل العطاءات و المناقصات و التسعير و دراسة المشاريع و إعداد البرامج الزمنية.. إلخ
و لكن في بعض الشركات المتوسطة و الصغيرة بيكون قسم واحد مسئول عن شغل المكتب الفني و إدارة المشروعات.

إيه مزايا إنك تشتغل مهندس مكتب فني؟
================================
• تنوع الخبرات.. و ده لأن مهندس المكتب الفني يعتبر حلقة الوصل بين التصميم و التنفيذ و إدارة المشروعات، و حلقة الوصل بين المقاول العام و مقاولين و الباطن و الإستشاري و المالك و بالتالي مهندس المكتب الفني دايماً بيكون ملم بتقاصيل كل حاجة بتحصل في المشروع.
• شغل المكتب الفني مش روتيني زي شغل التصميم و في نفس الوقت مش متعب و مرهق زي شغل الموقع.
• الشغل بيكون في المكتب في التكييف بعيداً عن بهدلة الموقع و التعامل مع العمال و الصنايعية.
• البريستيج.. لأن مهندس المكتب الفني دايماً بيكون على احتكاك مباشر بإدارة المشروع و اللي بيخليه طول الوقت يحضر اجتماعات مع المديرين و دي حاجة بتخليه مهندس ليه وزنه في الشركة و يترقى بسرعة.
• الإستقرار.. لأن مهندس المكتب الفني بيكون ماسك في إيده خيوط كل حاجة مهمة في الشركة تقريباً فمش بسهولة إن الشركة تقدر تستغنى عنه في أي وقت أو تمشيه زي مابيحصل في الأقسام التانية.
• سرعة الترقيات لأن مهندس المكتب الفني بعد شوية وقت لو طور نفسه يقدر يشتغل في قسم إدارة المشروعات.
• إحتراف البرامج الهندسية.. علشان شغل المكتب الفني طول الوقت بتستخدم فيه برامج كتير زي الكاد و الإكسيل و البريمافيرا و أحيانا الريفيت.. فده بيخليك ماتنساش البرامج اللي اتعلمتها و بتقدر تطور مهاراتك فيها و تحترفها بسرعة.
• الرواتب.. و دي طبعاً حاجة تهم أي مهندس.. رواتب المكتب الفني غالباً بتكون رواتب نسبياً مقبولة.
• فرص العمل اللي بتكون متاحة في المكتب الفني نوعاً ما بتكون أكتر من باقي التخصصات.
• شغل المكتب الفني مناسب لمهندسين مدني أو مهندسين عمارة على السواء و مش محتاج خبرة كبيرة عشان تبدأ.
• لو انت مهندث حديث تخرج سهل تتعلم شغل المكتب الفني في فترة قليلة نسبياً مقارنةً بباقي التخصصات.
• ممكن تشتغل مكتب فني لأي مجال.. (خرسانات.. تشطيبات.. طرق.. شبكات.. إلخ) لأن شغل المكتب الفني حاجة أساسية في كل مجالات شغلنا.
• أنسب وظيفه في المجال بتاعنا للمهندسات تحديداً و أغلب الشركات الكبيرة بيكون للمهندسات نصيب كبير في شغل المكتب الفني.

مهندس المكتب الفني بيكون شغال في مقر إدارة الشركة ولا في الموقع؟
الطبيعي إن في أي شركة كبيرة بيكون في مهندسين مكتب فني في مقر إدارة الشركة و مهندسين مكتب فني في كل موقع من المواقع.

هل شغل المكتب الفني مناسب للمهندسات؟
=======================
طبعاً.. المكتب الفني يعتبر من أكتر التخصصات المناسبة لمهندسات مدني و عمارة و كتير من الشركات الكبرى بتفضل إن يكون اللي شغال في المكتب الفني في مقر الشركة مهندسات.

إزاي ابقى مهندس مكتب فني شاطر؟
====================


1. إفهم ستراكشر و خرسانة
2. اختار مشروع تخرج إدارة مشروعات
3. اتعلم تنفيذ قدر استطاعتك عشان فهم التنفيذ مهم في شغل المكتب الفني جداً
4. لو ظروفك ماتسمحش تحضر كورس مكتب فني يبقى على الأقل تتفرج على فيديوهات شرح مكتب فني و تذاكر self study
5. اتعلم برنامج AutoCAD و Excel و حاول تتقنهم على قد ماتقدر
6. يفضل تتعلم برنامج ASD
7. اتعلم برنامج بريمافيرا لو حابب تطور نفسك أكتر
8. لو بتفكر تسافر اتعلم Revit
9. الكتب المهمة بالنسبالك ( الكود المصري لإدارة المشروعات- كتب المواصفات القياسية المصرية- كتاب إدارة مشروعات التشييد للدكتور إبراهيم عبد الرشيد- دراسة العطاءات للمهندس محمود المصيلحي- حساب كميات الأعمال للدكتور السيد القصبي- عقود و مواصفات للدكتور السيد القصبي- قانون المناقصات و المزايدات المصري)
10. بعد ماتتخرج و تشتغل لو حابب تطور نفسك أكتر ممكن بجانب الشغل تدرس PRMG في الجامعة الأمريكية بحيث تبدأ تدريجياً تتجه لمجال إدارة المشروعات
11. بعد 3 سنين من تخرجك ممكن تمتحن PMP و تطلع الشهادة هتفرق معاك جداً في الشركات الكبيرة

أهم مراجع ممكن تساعدك في المكتب الفني
=========================
ملزمة كورس التنفيذ للمهندس/ مصطفى عفيفي:
Download دورة_إعداد_مهندس_تنفيذ_للمهندس_مصطفى_عفيفي.pdf

ملزمة المكتب الفني للمهندس/ مصطفى عفيفي:
Download

فولدر مجمع لكتب المواصفات القياسية المصرية (14 كتاب) :
Download

مجموعة مجمعة لمقايسات مشاريع حقيقية (50 مقايسة):
Download

جميع نماذج الورقيات و المخاطبات للمشروع ( 22 نموذج – ملفات وورد):
Download

شيتات حصر كميات هندسي لجميع البنود لمشروع حقيقي ( ملفات اكسيل):
Download

عقود:
Download

العطاءات و المناقصات:
Download

دراسة العطاءات:
Download

تفريد و حصر حديد التسليح (اكسيل):
Download

قانون المناقصات و المزايدات المصري:
Download

قانون البناء الموحد:
Download

كتاب حصر الكميات للدكتور القصبي:
Download

كتاب عقود التشييد:
Download

حسابات تكاليف المقاولات:
Download

معدلات المواد و العمالة:
Download

معدلات الأداء و الإنتاجية و الأسعار:
Download

نموذج عقد:
Download

الكود المصري لإدارة المشروعات:
Download

المواصفات الفنية لجميع البنود لمشروع حقيقي:
Download

الإشتراطات العامة و الخاصة لمشروع حقيقي:
Download

كتاب الإنشاءات المدنية و حصر الكميات:
Download

برنامج زمني لمشروع حقيقي:
Download

كتاب كميات و مواصفات:
Download

كتاب شوب درووينج:
Download

خطوات استخراج تراخيص البناء:
Download

دليل التفاصيل الإنشائية (أوتوكاد):
Download

تحليل أسعار بنود الإنشاءات:
Download

دراسة أسعار التنفيذ:
Download

فيديو تقليل نسبة الهالك و توفيق قطعيات الحديد ببرنامج الـ Cutting List Optimization للمهندس هشام طارق:
https://www.youtube.com/watch?v=qGM21YKFaSw&t=5s

فيديو كيفية عمل جداول لكميات الحديد و تفريد حديد التسليح في شيت إكسيل للمهندس هشام طارق:
https://www.youtube.com/watch?v=s6E99_mayj0&t=12s

فيديو لكيفية عمل حصر كميات الحديد بإستخدام الـ Auto Rebar للمهندس هشام طارق:
https://www.youtube.com/watch?v=s6E99_mayj0&t=12s

فيديو حصر خرسانة القواعد المنفصلة و السملات لمشروع ضخم فى أقل من 3 دقائق للمهندس: هشام طارق:
https://www.youtube.com/watch?v=z-xsMV_PGWc&t=3s

أحصرها بسرعة (1 فلات سلاب) للمهندس هشام طارق:
https://www.youtube.com/watch?v=HZuuAuSbr1k&t=492s

فيديو ليسب تفريد حديد البلاطات الـ Solid Slab للمهندس هشام طارق:
https://www.youtube.com/watch?v=fEfM0zQJhyw&t=14s

شيت إكسيل جاهز لحصر حديد:

Download

تفريد حديد تسليح الكمرات:
Download
مشروع فلات سلاب كامل معملوله Shop Drawing :
Download
شيت إكسيل بسيط لتسعير الخرسانات:

Download