كيفية الحصول على شهادة معتمدة من autodesk
أولا: شهادة حضور Attendance certificate
دي شهادة بياخدها أي حد يحضر دورة في مركز تدريب معتمد من أوتوديسك بشرط أنه يحضر على الاقل 80%من مدة الدورة، -----------------------
ثانيا: شهادة مستخدم معتمد Autodesk Certified user
ودي شهادة بياخدها أي حد يجتاز امتحان أونلاين اسمه Autodesk Certified user في اي مركز اختبارات معتمد، أغلب مراكز التدريب المعتمدة تعتبر مركز اختبارات معتمد، الامتحان ده يعتبر المستوى الأول من امتحانات أوتوديسك، الامتحان ده لا يؤهل لأي شيء، مجرد اثبات مستوى، أي حد يقولك انه نجح في الامتحان وبالتالي هو مدرب معتمد يبقى كذاب، الشهادة دي ملهاش أي علاقة بالمحاضر المعتمد. -----------------------
ثالثاً: شهادة متخصص معتمد Autodesk Certified professional
ودي شهادة بياخدها أي حد يجتاز امتحان أونلاين اسمه Autodesk Certified professional في أي مركز اختبارات معتمد، أغلب مراكز التدريب المعتمدة تعتبر مركز اختبارات معتمد الامتحان ده يعتبر المستوى الثاني من امتحانات أوتوديسك، مش لازم تمتحن Autodesk certified user عشان تمتحن Autodesk Certified professional، ممكن تمتحن Autodesk Certified professional على طول، الشهادة دي مطلوبة عشان تبدأ تبقى محاضر معتمد، لكن مش معنى أنك نجحت فيها أنك بقيت محاضر معتمد، هيا مجرد أحد المتطلبات، يعني أي حد يبقى معاه الشهادة دي و يقولك أنه كده محاضر معتمد يبقى مش فاهم. ----------------------------
في حاجتين :
Autodesk Approved Instructor
Autodesk Certified Instructor – ACI
عشان تبقى Autodesk Approved Instructor فده يستلزم أنك يكون عندك خبرة في التدريب وبالتالي أحد مراكز التدريب المعتمدة يقدم الC.V. بتاعتك لأوتوديسك و يطلب منها أنك تكون Autodesk Approved Instructor ، طبعا لازم تكون نجحت في امتحان Autodesk Certified professional ، الموضوع ده ملوش شهادة (كان ليه زمان قوي)، مجرد بيكون ليك ID خاص بمركز التدريب، بس ده بيتيح أن أسمك يكون مكتوب على الشهادة اللي بتطلع من أوتوديسك للطلبة بتوعك في مركز التدريب المعتمد.
عشان تبقى Autodesk Certified Instructor ده بقى يستلزم تحضر ووركشوب خاص بأوتوديسك سواء تحضر بنفسك أو تحضر أونلاين، الووركشوب ليها خطوات معينة تقدر تدخل على الموقع بتاع أوتوديسك عشان تعرفها.
----------------------------
المراكز المعتمده من اوتودسك في مصر
مجهود مميز
ردحذفthaaaaaaaaaaaaaaaaaanks