اهم حاجه في السباكة و اول حاجه بيشتغل علي اساسها السباك هو الشيرب او المنسوب بتاع التشطيب (لان السباك بيظبط منسوب المواسير اللي علي اساسها بتاع السيراميك بيشتغل ) لو السباك خد منسوب او شيرب غلط هيحصل مشاكل بعد كده في منسوب السيراميك وارتفاع الخلاطات و الاحواض و القاعده و ممكن بعد كده تضطر انك تزيد ارتفاع منسوب التشطيب ( ارتفاع السيراميك عن الخرسانه ) و بالتالي الاحمال علي السقف هتزيد و هتقابلك مشكله ان منسوب الشقه اعلي من منسوب بسطة السلم اللي قدام باب الشقه ( المفروض يكونو متسوي واحد )
_ العزل المائي للحمامات ضروري جدا عشان لو حصل تسريب في المستقبل
امته بنبدء في عزل الحمامات ؟
بعد الانتهاء من اعمال تكسير اماكن المواسير في الحائط عشان العزل ميتقطعش و متنساش تعمل اختبار للعزل قبل تركيب المواسير
لازم تاخد بالك ان الصرف بيعتمد علي الميول يعني لازم السباك و هوا شغال يكون مميل المواسير في اتجاه الصرف علشان تروح علي الصرف الخارجي مباشرة
طيب ايه ارتفاع مواسير السباكه والاحواض الخلاطات والقاعده من منسوب التشطيب ؟
سباكه المطبخ
ارتفاع حوض المطبخ ٩٠ سم من التشطيب
سقوط حلة حوض المطبخ من ( ١٧_ ٢٠ ) سم
ارتفاع مخرج الصرف ٥٠ سم من التشطيب
- ارتفاع خلاط حوض المطبخ ؟
لو هيركب بالحائط
بيكون ٢٠ سم عن حوض المطبخ
بيكون ٢٠ سم عن حوض المطبخ
اما لو هيكون شجرة ( يخرج من جسم الحوض ) يتم تركيبه اعلى الحوض مباشرة
المسافة بين مخرجى الخلاط السخن والبارد ( ١٥_ ١٧ ) سم
سباكة الحمام
حوض الحمام
ارتفاع حوض الحمام ٨٠ سم عن التشطيب ( السيراميك )
ارتفاع الصفاية او كوع التسليك ٦٥ سم
مخرج صرف حوض الحمام ٥٠ سم من التشطيب ( السيراميك )
مخرج التغذيه ( السخن والبارد ) ٦٠ سم من التشطيب ( السيراميك )
المسافه بين مخرج السخن و البارد ( ١٠ _ ١٢ ) سم
قاعدة الحمام
قاعدة الحمام لها مخرجين تغذيه
الاول للشطاف و الثاني للسيفون
الاول للشطاف و الثاني للسيفون
الشطاف بيكون على منسوب من (٤٠-٥٠ ) سم من السيراميك
سيفون القاعدة يكون علي ارتفاع( ٢٠-٣٠) سم من التشطيب
ويراعى أن يكون الخط الراسى الواصل بين المخرجين رأسيا وان يبعد عن صرف القاعدة بمسافة (٣٠-٤٠) سم لتسهيل عملية الإستخدام
بالنسبه للصرف بيرتفع من ( ٥ _ ٧ ) سم من اسفل ماسورة الصرف الي منسوب الارضيه
سباكة السخان
يوجد نوعين من السخانات
١) سخان كهرباء
٢) سخان غاز
٢) سخان غاز
السخان الكهرباء
يكون المخرج التغذيه علي ارتفاع ( ١٣٠ _ ١٤٠ ) سم عن السيراميك
في حالة السخان الغاز
يكون مخرج التغذية على بعد ١١٠ سم من السيراميك لوجود مدخنة للتهويه ارتفاعها ٤٥ سم
ارتفاع خزان السخان نفسه بيكون من ( ٥٠ _ ٦٠ ) سم
البانيو
ارتفاع خلاط البانيو من ( ٢٠ _ ٣٠ ) سم فوق البانيو
ارتفاع البانيو عن التشطيب ( ٣٥_ ٤٠ ) سم
ماسورة صرف البانيو ١,٥ بوصه
ارتفاع البانيو عن التشطيب ( ٣٥_ ٤٠ ) سم
ماسورة صرف البانيو ١,٥ بوصه
المباول
ارتفاع مخرج المباول ٥٥ سم من التشطيب
وتغذية المياه( ١٢٠ _ ١٢٥ ) سم من التشطيب
ويجب ان يكون الخط الافقى الواصل بين المخارج او التغذية افقى
الخط الراسى الواصل بين مخرج وتغذية المبولة
راسى
وتغذية المياه( ١٢٠ _ ١٢٥ ) سم من التشطيب
ويجب ان يكون الخط الافقى الواصل بين المخارج او التغذية افقى
الخط الراسى الواصل بين مخرج وتغذية المبولة
راسى
"ملاحظات مهمة "
- ممنوع التكسير في أي عمود
و اذا كان فيه اعمال امدادات صرف او تغذية بحائط خرسانة او عمود
يفضل بناء طوبة سمك ٦ سم ( ربع طوبه ) ملاصقة للعمود للتكسير فيها بدل
التكسير بالخرسانة
و اذا كان فيه اعمال امدادات صرف او تغذية بحائط خرسانة او عمود
يفضل بناء طوبة سمك ٦ سم ( ربع طوبه ) ملاصقة للعمود للتكسير فيها بدل
التكسير بالخرسانة
بعد ما السباك يخلص لازم تتاكد ان كل المواسير داخله كلها جوا الحائط ( يعني مفيش ماسوره بارزه من الحائط ) عشان لو طالعه من الحائط صنايعي السيراميك هيضطر يربي مونه كتير في الجنب كله
- ممكن تعمل خلاط للقاعده بتاعت الحمام سخن و بارد و الموضوع مش مكلف ( و ده افضل صحيا )
- لازم بعد ما السباكه تخلص تجيب الشركه بتاعت المواسير تعمل اختبار ضغط المواسير عشان تتاكد ان مفهاش عيوب او تسريب عشان لو فيه مشاكل تظهر و تتحل قبل السيراميك ما يركب و الشركه بتديك ضمان بعد اختبار المواسير ( الاختبار بيكون مجاني ) و بيديك شهادة ضمان
- يستحسن قبل البدء في تأسيس السباكة انك تشتري كل البضاعة بتاعتها من خلاطات و اطقم احواض و قواعد علشان السباك يعمل التاسيس مظبوط من الاول و ميحصلش اي مشكله او نحتاج نعمل تعديل في مرحلة التشطيب النهائي
- قرر قبل ما تبدا في التاسيس السباكه نوع الحوض اللي هتجيبه للحمام سواء هيبقي حوض عمود او حوض ركبه او حوض وحده لان كل نوع ليه تاسيس مختلف .
الحوض الوحده ممكن تشريه كامل ( حوض + وحده ) او تشتري الحوض بس و تفصل انتا وحده عموله ( خشب او الموتال )
الفرق بين الوحده الجاهزه او العموله بيكون حوالي الف جنيه ( بسعر النهارده )
لو هتجيب قاعده معلقه في الحمام سواء كانت قاعده معلقه مع سيفون داخلي ( مدفون ) او قاعده معلقه مع سيفون خارجي ( مش مدفون ) يبقا لازم تجيب الشاسيه بتاع القاعده في مرحلة التاسيس لانو بيتثبت في الحائط قبل تركيب السيراميك ( عشان يكون مخفي )
تاسيس القاعده المعلقه سواء كانت سيفون دفن او سيفون خارجي بيختلف عن تاسيس القاعده العاديه
القاعده المعلقه السيفون الخارجي ارخص من القاعده العاديه
- يفضل تجيب البانيو في مرحله التاسيس حتي لو هيركب بعد السيراميك عشان تحدد مكان الصرف بتاعه و كمان مكان الخلاط لانو بيختلف علي حسب موديل
البانيو
البانيو
يوجد اكتر من نوع في البانيوهات فيه نوع عادي و ده بيتبلط عليه و فيه نوع تاني بيركب بعد السيراميك ( بانيو شاسيه ) و البانيو الشاسيه افضل لسهولة الصيانه و التغيير اذا حدث عطل بدون التكسير في السيراميك
و تقريبا البانيو العادي بنصف ثمن البانيو الشاسيه
لو هتجيب خلاط دفن للبانيو هاته في مرحله التاسيس عشان بيركب تحت السيراميك
- قرر هتعمل خلاط حوض المطبخ خارج من الحيطه ولا شجره ( يعني طالعه من الرخامه او الحوض ) عشان كل واحد ليه تاسيس مختلف ,
متنساش تاسس لفلتر المياه تحت حوض المطبخ
حدد اماكن غسالة الاطباق و غسالة الملابس عشان تعمل الصرف و التغذيه بتاعهم
سباكة غسالة الملابس
الغساله الاوتماتيك بتحتاج مخرج تغذيه واحد فقط ( بارد )
الغساله ال فويل اتوماتيك بتحتاج مخرجين ( بارد و سخن )
الغساله ال فويل اتوماتيك بتحتاج مخرجين ( بارد و سخن )
سباكة غسالة الاطباق
غسالة الاطباق بتحتاج مخرج تغذيه واحد ( بارد )
لانها بتسخن المياه بنفسها و بتحتاج مخرج للصرف
لانها بتسخن المياه بنفسها و بتحتاج مخرج للصرف
ممكن تعمل بلاعه في البلكونه لصرف مياه الامطار
يفضل السخان يكون في المطبخ خصوصا لو غاز ( saftey )
- اعمل صرف للتكييفات ( لو حسيت الموضوع مكلف علي الاقل اعمل صرف للغرف اللي متاكد انك هتحط فيها تكييف )
مواسير صرف التكييف بتكون ١ بوصه
مواسير الصرف كلها بتكون ٣ بوصة ماعدا مواسير العمل ( مواسير القاعدة ) بتكون ٤ بوصة
بلاعة الحمام بتركب في مرحلة التشطيب و بتجيب الوش بتاعها في مرحلة الارضيات عشان المبلط يقطع في السيراميك علي مقاسها
غطاء البلاعه بتكون مقاسات
١٠ سم *١٠ سم او ١٥سم * ١٥ سم او ٢٠ سم *٢٠ سم
١٠ سم *١٠ سم او ١٥سم * ١٥ سم او ٢٠ سم *٢٠ سم
فيه منو نوعين نوع تاتش و نوع عادي
التاتش اشيك ولكن العادي عملي
اكتر
التاتش اشيك ولكن العادي عملي
اكتر
لينك قناة اليوتيوب
صفحه الفيسبوك
تعليقات
إرسال تعليق